Til har bir millatning koʻzgusi, uning haqiqiy sarchashmasidir. Til bor ekan, millat barhayotdir. Tilni Onaga qiyoslanishi bejiz emas, inson oʻz onasini koʻrmasdan, uning sof muhabbatini, mehrini tuymasdan yashay olishi mumkin emas. 

Ma'lumki, yurtimiz bo'ylab har yili 21 oktyabr` kuni til bayrami sifatida keng nishonlanib kelinadi. Ushbu sanada ona tilimizga “Davlat tili” maqomi berildi hamda Respublikamiz Konstitutsiyasida davlat tilining maqomi huquqiy jihatdan mustahkamlab qo'yildi.

Til bayrami munosabati bilan 24-son maktabimizda ham “Til –millat ko'zgusi” mavzusida ma'naviy-ma'rifiy tadbiri  o'tkazildi.

Unda maktab direktori, O`IBDO`, MMIBDO`, maktab psixologi va fan o'qituvchilari ishtirok etdilar.

Tadbirda  o'zbek tilining xalqimiz ijtimoiy hayotida va xalqaro miqyosdagi obro'-e'tiborini tubdan oshirish, unib-o'sib kelayotgan yoshlarimizni vatanparvarlik, milliy an'ana va qadriyatlarga sadoqat, ulug' ajdodlarimizning boy merosiga vorislik ruhida tarbiyalash,  Ona tiliga e'tiborni, mehr-muhabbatni kuchaytirish, tilimizni mukammal bilishga, milliy o'zlikni anglashga, qadriyatlarni e'zozlashga o'rgatish,  Ona tili millat ma'naviyatining ko'zgusi ekanligi e'tirof etildi.

Shuningdek, kitobxonlik madaniyatini oshirish maqsadida “Kitoblar yarmarkasi” ham tashkil etildi.